https://www.youtube.com/watch?v=lPqsPKnhhPk
Printable View
Ando ociosa e con vontade de facer un fío sobre un tema que non interese a ninguén :rolleyes:
Música galega versionada por bandas bretoas? :crazy: Si, é friki abondo! :p
Imos aló!
https://i.postimg.cc/gkygW2RD/FHOTUb4-Xs-Ao-L-lq.jpg
Primeira paraxe obrigatoria: "Aires de Pontevedra", versión con binioù braz (gaita escocesa) interpretada por Patrick Molard. A primeira pedra na internacionalización desta peza de Ricardo Portela que acabou por tornarse un auténtico "hit" da música celta.
https://www.youtube.com/watch?v=7ZycqVNH_jM
Patrick Molard recuncaría aínda ben veces (lembremos que visita a Galiza con regularidade). Por exemplo, no álbum "Triptyque" versionou, man a man co seu irmán Jacky Molard e Jacques Pellen, unha marcha procesional.
https://www.youtube.com/watch?v=x7AGiiRDbNU
Outro fito na discografía deste enorme gaiteiro foi "Deliou". Nel aparecen incluídos estes dous temas galegos, o segundo deles unha muiñeira composta por el mesmo en homenaxe (como non!) a don Ricardo Portela, a quen moito admiraba.
https://www.youtube.com/watch?v=z4Xq29hhuj4
Aínda, os irmáns Molard (Patrick, Jacky e Dominique, este último colaborador tamén de bandas como Talabarte nos últimos tempos) homenaxearían as noites de foliada na compostelá Casa das Crechas nun tema homónimo, incluído no disco "Bal Tribal".
https://www.youtube.com/watch?v=SX_v9mzpPJI
Non podía faltar neste fío o grande Soïg Siberil. Velaquí a súa visión do famoso cantar de maio recollido por Pablo Quintana en "O cego andante" e da non menos popular Xota de Ourense.
https://www.youtube.com/watch?v=bD8QoTcyVV8
En tempos máis recentes, os novos artistas bretóns continúan a ollar para sul. É o caso de Anao, unha banda con grande protagonismo das harpas que reserva un oco para pezas galegas coma esta muiñeira de Lampazas, unha composición de Xosé Luís Foxo.
https://www.youtube.com/watch?v=VaUyY7JNjlg&feature=youtu.be
Ese interese bretón pola Galiza tamén se pode cinxir a parámetros máis estritamente tradicionais. Un bon exemplo é Elsa Corre, estudiosa da percusión e da música vocal galegas, a quen podemos ouvir aquí xunto co violinista Gab Faure.
https://www.youtube.com/watch?v=wv2QlIK467Y&feature=youtu.be
Elsa Corre fai parte do cuarteto Barba Loutig, de quen recentemente puidemos desfrutar esta parcería coa prestixiosa bagad Cap Caval (as bagadoù bretoas e a súa obsesión por mesturar e innovar merecían un fío de seu...).
https://www.youtube.com/watch?v=Y9bYMQti5NY
E nesta liña non podemos esquecer Morgane Le Cuff, intérprete moi relacionada coas músicas galegas e asturianas, ás cales dá unha nova dimensión coa súa harpa. Como proba, ollade que versión tan linda da popular Xota de Liñares.
https://www.youtube.com/watch?v=TZB6uzeKV04
Tamén entre as propostas máis alternativas podemos deparar con repertorio galego. Por exemplo, unha das nosas bandas favoritas de folk electrónico, Hiks, reconverteu nun "plinn" o coñecido tema "De seu", incluído por Mercedes Peón no seu álbum "Ajrú".
https://www.youtube.com/watch?v=bYtOKxWqa9A
E encerro este fío (que talvez conte cunha segunda parte... material para iso hai abondo!) coa famosa Jota Chaconeada de Sanabria, na versión da Bagad Kemper con Susana Seivane.
https://www.youtube.com/watch?v=xZxe1gT8ZCQ
Viva los galegos